ЖАҢЫ-АРТ МӨҢГҮСҮ

ЖАҢЫ-АРТ МӨҢГҮСҮ – Борбордук Теңир-Тоодогу өрөөн тибиндеги мөңгү. Какшаал тоо тизмеги­нин түндүк капталынан агып түшкөн Жаңы-Арт суусунун төрүнөн орун алган. Узундугу 11,3 км, аян­ты 15,3 км². Дээрлик меридиан багытында жа­тып, аяк бөлүгү гана түндүк-чыгышка имерилет. Эки жеринде муз кескин эңкейиштеп, тепкич сымал жаракаларды пайда кылат. Мөңгү жого­ру жагынан туташ фирн талаасы ээлеген тоо капталдары м-н курчалган. Капталдарынан кар көчкү жүрүп турат. Мөңгүнүн башы деңиз деңгээлинен 5160 м, этеги 3900 м бийикте жатат. Этеги би­йиктиги 15–20 м келген морена догосу м-н курчал­ган. Мөңгүдөн Жаңы-Арт суусу башталып, Ак- Шыйракка оң жактан куят.