ЖАҢЫ-ЖЕР (Түндүк Муз океанындагы архипе­лаг)

ЖАҢЫ-ЖЕР – Түндүк Муз океанындагы архипе­лаг (аралдар тобу). Баренц ж-а Кара (Карск) деңиздеринин аралыгында. Аянты 83 миң км². Маточкин Шар ж-а көптөгөн майда аралдар м-н бөлүнгөн эки ири – Түндүк (48,9 миң км²) ж-а Түштүк (33,3 миң км²) аралдарынан турат. Бийиктиги 1547 мге чейин (Түндүк аралында). Аймагынын ¹/4 ге жа­кын бөлүгүн муз каптап жатат, анын көбү Түндүк аралында. Көп бөлүгү арктикалык чөл зонасына, Түштүк аралынын бир аз бөлүгү арктикалык тундра зонасына кирет. Ак түлкү, деңиз айбанаттары (түлөн, суу арстаны) промысели бар. Куш «ба­зары». Уюлдук станциялар (Кичи Кармакула, Орус Гаваны, Үмүт тумшугу ж. б.) жайгашкан.