ЖЕКИШЕВА

ЖЕКИШЕВА Сагын Жекишевна (15. 8. 1948-ж. т., Талас обл., Талас р-ну, Арашан кыш.) – тех­ника илимд. доктору (1995), проф. (2000). КР-дин Инж. академиясынын академиги (2004). КРдин билим берүүгө эмг. сиң. кызматкери (2006). Москвадагы кооперация ин-тун (1971), Москва­дагы Плеханов атн. Эл чарба ин-тунун аспиран­турасын бүтүргөн. КМУда окутуучу, кафедра баш­чысы, доцент (1971–95); Кыргыз кооперация ака­демиясында ректор (1997–2003); КМКТАУда ка­федра башчы, проф., КАУда декан, ин-тун ди­ректору (2003–04) болуп иштеген. 2006-жылдан КРСУда проф. Фарфор өндүрүшүнүн негиздери, карапа материалдарынын технологиясы б-ча адис. Республикада карапа ө. ж-н чыңдап, өнүктүрүүнүн келечектүү багыттарын негиздеген. 150 дөн ашык ил. иштердин, 8 монографиянын ж-а 3 ойлоп табуунун автору.

Эмг.: Фарфоровые камни Кыргызской Республики – новое нетрадиционное керамическое сырьё. Б., 1994; Физико-химические аспекты технологии алюмосили­катной керамики. Б., 2008.