ЖЕЛДИ-СУУ ТУЗ КЕНИ

ЖЕЛДИ-СУУ ТУЗ КЕНИ Чүй обл-нун, Кант р-нунда, Бишкек ш-нан 25 км түш.-чыгыш та­рапта, Кыргыз Ала-Тоосунун түн. этегиндеги Желди-Суу ж-а Норуз сууларынын алабында, деңиз деңг. 900–1600 м бийикте жайгашкан. Жерг. элге илгертен белгилүү, геол. чалгындоо иштери 1945- ж-а 1955-ж. жүргүзүлгөн. Кен ай­магында палеоген м-н неогендин чөкмө тектери жатат. Туздуу катмарлар көгүш боз түстөгү туз­дуу чопо, мергель ж-а чополуу гипстен түзүлүп, брахиантикиналдын борборунан орун алган. Алар­дын калыңдыгы 500 мден ашык. Туз негизинен мирабилит м-н галиттен туруп, калыңдыгы он­догон мге жетет. Линза, кабат, уя түрүндө кезде­шет. Туз бронх астмасын дарылоого пайдаланы­лат. 1995-ж. 2 миң т казып алынган. 1996-ж. 1- январына карата калган запасы 87 миң т.