ЖЕРГЕ-ТАЛ (Нарын дарыясынын сол куймасы)

ЖЕРГЕ-ТАЛ – Нарын районундагы суу, Нарын дарыясынын сол куймасы. Узундугу 59 км, алабынын аян­ты 372 км². Байдулу тоосунун түштүк капталы­нан башталып, кууш, карагайлуу терең капчы­гай м-н агып, төмөнкү агымында өрөөнү кеңийт. Ири куймалары: Күчүк, Сары-Жел, Темир-Саз ж. б. Жылдык орточо чыгымы 0,98 м³/сек; эң көбү 65,4 м³/сек, эң азы 0,16 м³/сек. Апрелдин аягын­да кире баштап, сентябрдын башында тарты­лат. Сугатка пайдаланылат. Жээгинде Жерге-Тал кыштагы жайгашкан.