ЖЕРГЕ-ТАЛ ( Нарын районундагы кыштак)

ЖЕРГЕ-ТАЛ – Нарын районундагы кыштак. Жер­ге-Тал айыл округуна караштуу. Нарын дарыясынын оң жээгинде, деңиз деңгээлинен 2200 м бийиктикте жай­гашкан. Райондун борбору Нарын шаарынан 39 км түндүк-батыш тарапта. Балыкчы темир жол бекетинен 151 км. Кыштак 1931-жылы негизделген. Калкы 3421 (2022); негизинен мал чарбасында эмгектенет. Орто мектеп, кесиптик-техникалык окуу жайы, маданият үйү, китепкана, оорукана, дарыкана, мечит бар. Тур­муш-тиричилик кызматынын бөлүмдөрү, үй­-бүлөлүк врачтар тобу иштейт. Кыштакта илим­поз философ А. Табалдиев туулган.