ЖЕРГИЛИКТҮҮ УБАКЫТ
Навигацияга өтүү
Издөөгө өтүү
ЖЕРГИЛИКТҮҮ УБАКЫТ – Жер шарынын белгилүү бир оруну (аймагы) үчүн аныкталган убакыт. Ал жылдыз убакыты (астрометрияда), чыныгы күн убакыты, орточо күн убакыты болуп айырмаланат. Жергиликтүү убакыт ошол жердин географиялык узундугуна байланыштуу ж-а меридиандын бардык чекиттеринде бирдей болот. Эки башка жердин жергиликтүү убакытынын айырмасы ошол жердеги меридиандардын айырмасы м-н өлчөнөт. Жергиликтүү убакыт ошол жердеги астрономиялык байкоолордун негизинде (Күн сааттары аркылуу) аныкталат. Жергиликтүү убакыты мурда тиричиликте кеңири колдонулса, 19-кылымдан баштап көпчүлүк өлкөлөрдө алкак убактысы м-н алмаштырыла баштаган.