ЖЕРГИЛИКТҮҮ ШАМАЛ

ЖЕРГИЛИКТҮҮ ШАМАЛ – чектелүү бир аймак­ка мүнөздүү шамал; ал аймактын географиялык өзгө­чөлүктөрүнө байланыштуу болуп, тез-тез кайталанып, өзгөчө мүнөздөгү аба ырайын пайда кылат. Жергиликтүү шамал атмосферанын жергиликтүү циркуляциясы­нан (фён, тоо-өрөөн шамалы, кууш капчыгай­лардан соккон шамал, мисалы, Боом капчыгайын­дагы Улан шамалы, Жоңгор дарбазасындагы ибэ шамалы) же атмосферанын жалпы циркуляциясы­нын өзгөрүүсүнөн (мисалы, бриз, сирокко, афган, хамсин, бора, мистраль, чинук, баргуза ж. б.) пайда болушу мүмкүн.