ЖЕТИ-ӨГҮЗ 1

ЖЕТИ-ӨГҮЗ – Жети-Өгүз р-нундагы суу, Тес­кей Ала-Тоонун түн. капталынан (батышында Чоң Кызыл-Суу ж-а чыгышында Ырдык м-н Каракол сууларынын аралыгында) башталып, карагайлуу кууш капчыгай, Жети-Өгүз кыш. тушта кенен өрөөн м-н агып, Ысык-Көлгө куят (дээрлик кар-мөңгү сууларынан куралат). Уз. 52 км, алабынын аянты 387 км². Апрелде кире баштап, сентябрда тартылат. Жылдык орт. чы­гымы 5,60 м³/сек, эң көбү 57,2 м³/сек, эң азы 0,55 м³/сек. Жалпы уз. 110 кмге жеткен 36 куймасы ж-а алабында жалпы аянты 126 км² келген 18 майда көл бар. Сугатка пайдаланы­лат. Алабындагы радондуу суу булактары элге

кеңири белгилүү (к. Жети-Өгүз минералдуу суусу). Боюнда Жети-Өгүз кыш. ж-а курорту бар.