ЖОЛДОШЕВА

ЖОЛДОШЕВА Чолпон Токчороевна (20. 12. 1929-жылы туулган, Пишпек) – адабиятчы, филология илимдеринин доктору (1983), КР УИАнын корреспондент-мүчөсү (1984), КРдин илимге эмгек сиңирген ишмери (1984), профессор (1993). Ломоносов атындагы

Москва мамл. университетин бүтүр­гөндөн (1952) КМУда окутуу­чу, кафедра башчысы. Оку­муштуунун адабияттын орчун маселерине арналган мака­лаларында («Русско-киргиз­ские литературные взаимо­связи», «Ч. Айтматов и со­временный литературный процесс», «Взаимобогоще­ние национальных совет­ских литератур и художественный перевод», «Киргизская литература в контексте русской культуры»), илимий эмгектеринде орус-кыргыз ада­бий байланыштары, кыргыз профессионал ад­тынын ж-а адабий процессинин өсүп-өнүгүшүндө орус адабиятынын таасири, бул байланыштарда көр­көм котормонун ролу сыяктуу маселелерди көтөрүп, кеңири талдоого алган. Жолдошева орус адабиятчы­ларынын, теоретиктеринин эмгектерине таянып, көркөм котормонун сапатын арттыруунун за­рылдыгын далилдеген. 100дөн ашуун илимий эмгек­тин, анын ичинде 3 монографиянын автору. Данакер ордени (2001) ж-а медалдар м-н сыйланган.

Эмг.: Киргизская проза в русских переводах. Ф., 1977; Современная киргизская повесть и проблемы перевода. Ф., 1981.