ЖОШО

ЖОШО – боёк катары пайдаланылуучу кыз­гылт түстөгү табигый минерал. Жошого темирдин (гематит), коргошундун (сурик), кээде сымап­тын (киноварь) жаратылыштагы кычкылдары­нан пайда болгон күкүм түрүндөгү минерал зат­тар жана кызыл чопо кирет. Өңү күңүрт кызыл, саргыч кызыл, күрөң кызыл. Жошо металлга дат бастырбоо касиетине ээ. Чогундусу жаратылыш­та аз өлчөмдө кезигет. Жошо боз үйдүн кереге, уук, түндүгүн жана ээр сыяктуу жыгач буюмдарын боёо үчүн колдонулган. Учурда жошодон сурик боёгу даярдалып, сырдоо жана сүрөт тартуу иштери­нин бардык түрлөрүндө керектелет.