ЖОШОЛУ

ЖОШОЛУ – Алай районундагы суу, Куршаптын оң куймасы. Алай кырка тоосунун түндүк-батыш капталынан башталат. Узундугу 40 км, алабынын аянты 285 км². Алабынын деңиз деңгээлинен орточо би­йиктиги 2700 м. Мөңгү (аянты 1,9 км²) бар. Ала­бы куралуу облусуна кирет. Жошолунун 16 куймасы бар; ирилери: Артөбө, Кызыл-Булак (оң), Кул­мамбет, Бекпута (сол). Жылдык орточо чыгымы 2,20 м³/сек. Эң көп чыгымы июнда, азы фев­ралда байкалат. Сугатка пайдаланылат. Жээ­гинде Гүлчө, Өрүктү, Миязды, Орто-Суу ж. б. кыштактар бар.