ЖУМАБЕКОВ Сабырбек Артисбекович
ЖУМАБЕКОВ Сабырбек Артисбекович (11. 8. 1964-жылы туулган, Талас облусу, Кара-Буура району, Сатыкей айылы) – медицина илимдеринин доктору (1995), профессору (1997). КРдин УИАнын корреспондент-мүчөсү (2006), академик (2010). КМИИни (1987),
Симферополь шаарындагы Крым мединститутунун аспирантурасын ж-а докторантурасын бүткөн (1987– 95). 1996–2002-жылдары Кыргызстан курортология ж-а калыбына келтирүүчү дарылоо ИИИде директордун орун басары, 1997-жылдан КММАнын травматология, ортопедия ж-а эксперименттик хирургия кафедрасынын башчысы. Бишкек мэриясынын алдындагы саламаттык сактоо департаментинин ж-а милдеттүү түрдө медициналык камсыздандыруу фондунун директору (2002–04). 2004-жылдан Бишкек шаардык травматология ж-а ортопедия илимий-изилдөө борборунун директору. Анын жетекчилиги астындагы кашка жиликтин алкак бөлүгүнүн сыныктарын, остеомиелитти хирургиялык жол м-н дарылоонун жаңы ыкмасын иштеп чыгуу ж-а киргизүү боюнча изилдөө иштери жүргүзүлгөн. Ошондой эле көкүрөк-бел бөлүгүнүн эски сынып-чыгып кетүүсүнүн кесепетин, жиликтердин өнөкөт остеомиелитин, күң жиликтин моюнчасынын ж-а согончок сөөктүн сыныгын дарылоо боюнча да иштер жүргүзүлүүдө. Ал 1996– 99-жылдарда Борбордук Азияда биринчилерден болуп муун ооруларын микрохирургиялык жол м-н дарылоо ж-а дүйнөлүк стандарттагы протездер м-н чоң жиликтин башын алмаштыруу методдорун киргизген. 1990-жылдан Бүткүл дүйнөлүк травмотолог-ортопеддер коомунун мүчөсү. Омуртканын микрохирургиясы ж-а кол, бутту узартуу боюнча адис. Дүйнөдө биринчи болуп тескери бүгүлгөн тизе муунуна уникалдуу операция жасаган (2006). Эл аралык «Руханият» сыйлыгынын ж-а Бүткүл дүйнөлүк интеллектуалдык менчик уюмунун (Женева) алтын медалынын ээси. 125тен ашуун илимий эмгеги, анын ичинде 2 монография, 6 ойлоп табуусу бар.
Эмг.: Способ удлинение бедра. Изобретение А. С. Патент РФ № 93053452, 1993.