ЖУМАЛИЕВ Кубанычбек
ЖУМАЛИЕВ Кубанычбек Мырзабекович (26. 4. 1956-жылы туулган, Жалал-Абад облусу, Аксы району, Кечүү кыштагы) – техника илимдеринин доктору (1991), профессор (1993), КР УИАнын академиги (1993), КРдин илим ж-а техника боюнча мамлекеттик
сыйлыгынын лауреаты (2004). Кыргыз ССРинин илим ж-а техника боюнча Ленин комсомолу сыйлыгынын лауреаты (1984). Рязань радиотехника институтун бүтүргөн (1978). ФПИде кенже илимий кызматкер (1980–82), башкы инженер (1983–84), улук илимий кызматкер, комсомол комитетинин катчысы (1984– 86), КР ИАнын алдындагы «Жалын» илимий-инженердик борборунун директору ж-а КРдин илим ж-а жаңы технологиялар боюнча мамлекеттик комитетинин башчысы (1991–94), КРдин билим берүү ж-а илим министринин биринчи орун басары (1994–95), КРдин Президенттик администрациясынын жетекчисинин биринчи орун басары (1995–96), КРдин Президенттик администрациясынын жетекчиси (1996–98), КРдин премьер-министри (1998), Жалал-Абад облустук мамлекеттик администрациясынын башчысы-губернатору (1998–2000), КРдин транспорт ж-а коммуникация министри (2000–04). 2009-жылдан КР УИАнын физика-техникалык проблемалар ж-а материал таануу институтунун директору. 300дөн ашык ил. иштердин, анын ичинде 12 монография, 10 ойлоп табуунун автору.
Эмг.: Оптические вычислительные машины (в соавторстве). Б., 1996; Оптическое изображение: передача хранение и обработка (в соавторстве). Ош; Санкт-Петербург, 1998; Голографические системы хранения и выборки информации (в соавторстве). Б., Санкт- Петербург, 2000.