ЖУНУСОВ Масхуд
ЖУНУСОВ Масхуд Садыкович [23. 5. 1920, Пржевальск (азыркы Каракол) шаары – 19. 11. 2005, Москва] – философия илимдеринин доктору (1953), профессор (1957). 1940-жылы М. В. Фрунзе атындагы Кыргыз мамлекеттик педагогикалык институтун бүтүргөн. 1953–61-жылдарда КМУда философия кафедрасынын башчысы, 1961–91-жылдарда СССР ИАнын философия институтунда философия кафедрасынын башчысы, ММУнун философия факультетинде профессор болуп иштеген. Эл аралык информациялаштыруу академиясынын академиги (1994). Улуу Ата Мекендик согуштун катышуучусу. Улут ж-а улуттук мамилелер теориясына арналган 1000ден ашуун илимий ж-а илимий-популярдуу макалалардын, 61 монографиянын (анын ичинде 20дан ашыгы авторлош) автору. Кызыл Жылдыз ордени м-н сыйланган.
Эмг.: Две тенденции развития социализма в национальных отношениях. Таш., 1975; К вопросу о формировании киргизской социалистической нации. Ф., 1952; О некапиталистическом пути развития киргизского народа к социализму. Ф., 1958; Об историческом опыте строительства социализма в ранее отсталых странах. М., 1958.