ЖУСАЕВ
ЖУСАЕВ Жолдош (23. 7. 1934, Ысык-Көл облусу, Түп району, Тепке айылы – 16. 11. 2001, Каракол шаары) – тилчи, кыргыз ж-а англис филологиясы, салыштырма тил илими боюнча адис, филология илимдеринин доктору (2001), профессор (1993). Пржевальск педагогикалык окуу жайын (1953), КМУнун филология факультетин бүтүргөн (1959). ОМПИде окутуу-
чу, кафедра башчысы, КМУнун ага окутуучусу, декан (1967–82), Кыргызстан КП БКнын чет өлкөлөр м-н байланыш секторунун башчысы (1982–87), В. Маяковский атындагы ККПИнин окуу иштери боюнча проректору (1987–88), КМУнун Пржевальскидеги филиалынын директору (1988–91), К. Тыныстанов атындагы Ысык-Көл мамлекеттик университетинин ректору (1991–98), ошол эле окуу жайдын чет тилдер институтунун директору (2000–01). 60тан ашуун илимий эмгеги бар. Медалдар м-н сыйланган.Эмг.: Языковая категория модальности и модальные значения, выраженные изьявительным наклонением в современном кыргызском языке. Б., 1992; Грамматические средства выражения категории модальности в современном кыргызском языке. Б., 2000.