ЖУСУЕВ
ЖУСУЕВ Сооронбай (15. 5. 1925-ж. т., Ош обл., Кара-Кулжа р-ну, Кызыл-Жар айылы) – акын, Кыргыз эл акыны (1981), Кыргыз Эл Баатыры (2007), КРдин Токтогул атн. мамл. сыйл. лауреаты (1998). Ош мамл. мугалимдер ин-тун (1949), Москвадагы Горький атн. ад-т ин-тун (1956) бүтүргөн. Улуу Ата Мекендик согушка катышкан (1942–45). Совет р-ндук «Коммунизм үчүн» гезитинде жооптуу секретарь (1947–49), Ош обл. «Ленин жолу» гезитинин редакциясында бөлүм башчы (1949–51), «Ала-Тоо» журналынын башкы редактору (1957–59), «Чалкан» журналында жооптуу секретарь (1960–86), Кырг-н жазуучулар союзунда адабий кеңешчи болуп иштеген. Адабий ишмердигин 1943-ж. согушта жүргөндө эле ыр жазуу м-н баштаган. Анын «Алдыга жүргүн, кыргыздар!», «Биз жеңишчил», «Жаркынга» деген ырлары «Советтик
К ыргызс т ан» (азырк ы «Кыргыз Туусу») гезитинин 1943–44-ж-дагы сандарына жарыяланган. 1950-ж. анын «Эмгек күүсү» биринчи ыр жыйнагы, кийин «Чындык менен ыр» (1952), «Өмүр жазы» (1955), «Сүйүү менен ишенич» (1956) деген жыйнактары чыккан. «Жылдыздуу т оолор » (1963), «Акын жүрөгү» (1965), «Көңүл күүлөрү» (1967), «Түрмөк булуттар» (1969), «Дабан» (1971), «Алтын чынар» (1973), «Тандалмалар» (1975) ыр ж-а поэма жыйнактары, «Кызыл күн» (1968) прозалык чыгармалары бар. Акындын ыр китептери орус, казак, өзбек, украин, азербайжан, тажик тилдеринде басылган. Анын калеминен жаралган «Үмүт», «Тирүүлөргө», «Чагылган», «Кызыл дептер», «Ак Мактым», «Ак Саткын», «Раззаков баяны» аттуу дастандары, ыр м-н жазылган «Курманжан датка» аттуу романы – акындын чыг-лык чоң жемиши. Ж-дин ырларына образдуулук, мазмундуулук, эмоциялуулук мүнөздүү. Анын 70тен ашык ырына комп-лор ж-а обончулар музыка жазышкан. 2003-ж. жаралган «Канат менен Зарина» дастаны орус, тажик, өзбек, кытай ж. б. тилдерде жарык көрдү. Шекспир, Пушкин, Лермонтов, Шевченко, Абай, Мактымкули, Исаакян, Омар Хайям, Маяковский, Есенин, Гамзатов, Кулиев ж. б. акындардын ырларын чебер которгон. 2002– 05-ж. Ж-дин «Орус ырлары», «Казак ырлары» поэзия антологиясы, «Сөз кудурети» (2007) аттуу китеби жарык көрдү. Ош обл-ндагы Кара- Кулжа р-нунун Жар-Ооз кыш-ндагы орто мектепке Ж-дин ысмы берилген. Бүткүл дүйнөлүк интеллектуалдык менчик уюмунун алтын медалы, о. эле I даражадагы Улуу Ата Мекендик согуш, III даражадагы Манас ордендери, «Даңк» медалы м-н сыйланган. Ж. Медералиева.