ЖУСУПОВ 2
ЖУСУПОВ Кеңеш (14. 4. 1937-ж. т., Нарын обл., азыркы Нарын р-ну, Эчки- Башы айылы) – жазуучу, публицист, журна-
лист, Кыргыз эл жазуучусу (1999), КРдин Токтогул атн. мамл. сыйл. лауреаты (2004), КМПУ-нун проф. (2002). КМУнун филология ф-тин бүткөн (1961). 1961–64-ж. «Тянь-Шань правдасы» гезитинде адабий кызматкер, 1964-ж. Кыргыз ССР Министрлер Советине караштуу Басма сөздө мамл. сырларды сактоо башкармалыгында кызматкер, 1966– 68-ж. «Кыргызстан» басмасында, 1968–73-ж. «Кыргызфильм» киностудиясында редактор, 1973–77-ж. Кырг-н жазуучулар союзунда адабий кеңешчи, 1978–82-ж. «Ала-Тоо» журналында адабий кызматкер, 1987-жылдан башкы редактор, Кырг-н жазуучулар союзунун секретары болуп иштеген. Чыгармалары 1958- жылдан жарыялана баштаган. «Жашоо кумары» (1965), «Каралдым тоолор» (1967), «Микеланжело мекенинде» (1971), «Жүрөгүм менин тоолордо» (1972), «Ыр сабындагы өмүр» (1974), «Лесорубы» (М., 1975), «Ата журт» (1977), «Күлгүн курак» (1979), «Сабыр и дедушка» (М., 1980), «Кан жолдогу ойлор» (1982), «Тоолуктар баяны» (1984), «Тулпар» (1988), «Сапар китеп» (1991), «Байыркынын издери» (2002), «Кыргыздардын байыркы маданияты» (2006) деген көркөм ж-а публ. китептердин автору. А. Табалдиевдин өмүрүнө арналган «Бир өмүрдүн сабагы» аттуу тарыхый-биогр. эссе, акын-жазуучулардын чыглыгына арналган адабий-сын багытындагы эсселерди жаратты. Балдар үчүн «Манас» эпосун кара сөз түрүндө жазган. Айрым чыгармалары түрк, орус, украин, өзбек, татар, казак, чех, француз, араб ж. б. тилдерге которулган. «Кыргыз поэзиясынын антологиясы» (1-том, 1999), «Кыргыздар» 5 томдук (1991–2002) ж-а «Кыргыздар» 10 томдук (2004) китептердин түзүүчүсү. СССРдин Ленин комсомолу сыйл. (1975) лауреаты. Медалдар м-н сыйланган.