ЖЫЛУУЛУК БАЛАНСЫ

ЖЫЛУУЛУК БАЛАНСЫ – бардык жылуулук м-н пайдалуу ишке жумшалган ж-а пайдала­нуу убагында коромжу болгон жылуулуктардын суммасынын барабардыгы. Техникада Ж. б. буу казанында, меште, жылуулук кыймылдаткыч­тарында ж. б. механизмдерде болуучу жылуу­лук процесстерин анализдөө үчүн пайдаланылат. Ж. б. астрофиз., геофиз., хим., биол. ж. б. проб­лемаларды чечүүдө, ил. из-дө пайдаланылат. Пайдалуу жылуулук – суу казанында сууну жы­лытууга, буу казанында бууну пайда кылууга кеткен жылуулук. Коромжу болгон жылуу­лук – түтүн м-н айлана-чөйрөгө кетет ж-а күл м-н чыгат. Суюк же газ түрүндөгү отундар то­лук күйүп, коромжу дээрлик болбойт. Агрегат­тарды сыноонун негизинде түзүлгөн Ж. б. б-ча үнөмдүүлүк аныкталат.