ЖЫЛУУЛУК ТАРМАГЫ
ЖЫЛУУЛУК ТАРМАГЫ – имаратты жылытуу, технологиялык процесстер үчүн ысык суу м-н бууну керектөөчүлөргө жеткирип ж-а бөлүштүрүп берүүгө арналган түтүктөр (куурлар) системасы. Жылуулук тармагы изоляциялоочу ж-а бекиткич материалдар, жөнгө салуучу арматуралар, текшерүүчү ж-а өлчөөчү приборлор, байкоочу кудуктар, жылуулуктан болгон кеңейүүнү теңдештирүүчү түзүлүштөр м-н жабдылат. Ал жер астындагы мачталарда ж-а эстакадаларда жайгаштырылып, айлантма ж-а радиустук болуп бөлүнөт. Айлантмада – бузулган жерин оңдоодо (бузулган жерди жалпы тармактан бөлүп алат) жылуулук тармагы үзгүлтүксүз иштей берет. Жылуулук тармагынын радиустук түрү куруу наркы арзан болгондуктан, көбүрөөк
колдонулат. Ар кандай чоңдуктагы бууну ж-а сууну бир убакта жеткирүү ж-а иштетилген сууну кайра артка кайтаруу үчүн жылуулук тармагына бир нече түтүк орнотулат.