ЖЫЛУУЛУК ТЕХНИКАСЫ

ЖЫЛУУЛУК ТЕХНИКАСЫ – илим м-н техни­када жылуулук энергиясын алуу ж-а пайдала­нуу ыкмасын камтыган тармак. Жылуулук техникасынын эки негизги багыты бар: 1) жылуулук кубаты – жылуулук казан жабдууларынын очогунан, мешинен, органикалык отун күйгүзүүчү камерадан, жы­луулук аккумуляторунан, радиатордон, кало­риферден, конденсатордон, ядро реакторунан ж. б. алынат; 2) отундун химиялык энергиясы механикалык, андан соң электр энергиясына айландырылат. Буларга буу турбиналары, ичинен күймө кый­мылдатычтар, газ турбиналары, реактивдүү кыймылдатычтар, муздаткыч машиналар ж-а жылуулук насостору кирет. Ошондой эле, Күн нуру­нун ж-а жер астындагы жылуулуктар да пай­даланылат.