ЗАКИРОВ Шухратбек

ЗАКИРОВ Шухратбек Саидович (17. 1. 1947-жылы туулган, Ош облусу, Кара-Суу району, Мады кыштагы) – геолог, Кыргыз ССР мамлекеттик сыйлыгынын лауреаты (1980). Таш­кент мамлекеттик университетин бүткөн (1970). Түштүк Кыргызстан геологиялык экспедициясынын партияларында техник­ геолог, геолог, улук геолог, отряддын началь­ниги (1972–91), жаратылыш сырьёсун комп­лекстүү пайдалануу институтунда илимий кызматкер (1991–93), Түштүк Кыргызстан геологиялык экспедициясында геологиялык партиянын башкы геологу (1993–94), экс­педициянын геологиялык бөлүмүнүн начальниги (1994–98) болуп иштеген. Республикадагы курулуш мате­риалдарынын жаңы түрү – табигый каптооч таш­тардын кендерин ачууга ж-а чалгындоого зор салым кошкон.