ЗАРНА

ЗАРНА – кызыл өңгөчтө, айрыкча анын төмөн­кү бөлүгүндө кыжылдоо сезими. Карындын ар кандай ооруларында, холециститте, боор эт чуркусунда, кош бойлуулукта, кээ бир тамак жакпаганда, карындан кычкыл суюктуктун кызыл өңгөчкө өтүп кетишинен болот. О. эле кызыл өңгөчтүн сезгичтиги, карындын бузулу­шу ж. б. түрткү берет. З. көбүнчө карын маңы­зынын кычкылы көбөйгөндө, кээде төмөндөп же анда туз к-тасы такыр жок учурда байка­лат. Дарылоо негизги ооруга жараша жүргүзү­лөт. З-ны басаңдатуу максатында ар кандай ка­ражаттарды башаламан колдонуу зыян келти­риши мүмкүн. Ошондуктан аларды врачтын су­нушу м-н гана кабыл алып, өткүр, куурулган тамакты ичпөө керек.