ЗЫМ

ЗЫМ – туурасынан кесилиши негизинен жуму­ру, айрым учурда чарчы, 6 кырдуу, сүйрү, үч бурчтуу, трапеция ж. у. с. узун металл (болот, алюминий, жез, никель, титан, цинк ж. б.) буюм. Биметалл ж-а полиметаллдардан да жа­салат. З. атайын станокто кысуу (басым м-н) ж-а созуу жолу м-н жасалат. Болот, жез, алю­миний, титан эритмелеринен – кысуу; таза алю­миний, цинк, жез эритмелеринен куюу; биме­талл ж-а полиметаллдардан ныгыруу жолу м-н алынат. З. түрмөк же чыбык түрүндө даяр­далат. Диаметри 0,005 ммден 17 ммге чейин бо­лот. Ал электр З-ын, З. аркан, тор, мык, шу­руп, пружина ж. б. буюмдарды жасоодо, о. эле ар кандай продукцияларды байлап, таңуу үчүн колдонулат. Болот З. датка каршы зат м-н кап­талат.