ИБРАЕВ

ИБРАЕВ Эсенгул (16. 3. 1934, Нарын обл., На­рын р-ну, Чет-Нура айылы – 5.7. 2005, Биш­кек) – Кыргыз эл акыны (2003). КРдин мад-тына эмг. сиң. ишмер (1994), КРдин Токтогул атн. мамл. сыйл. Лауреаты (2007).

Нарын пед. окуу жайын (1952), КМУнун журналис­тика ф-тин (1961) бүтүргөн. 1961–87-ж. «Чалкан» жур­налында адабий кызматкер, бөл үм башчы, жоопту у секретарь, башкы редактор­дун орун басары, башкы ре­дактор болуп иштеген. Ырла­ры ж-а сатиралары 1952- жылдан жарыялана баш­таган. «Бөбөгүм» аттуу туңгуч ыр жыйнагы 1964-ж. жарык көргөн. «Таң шоокуму» (1970), «Закымдар» (1979), «Эңсөө» (1981), «Белес» (1984), «Мөмөлүү дарак» (1985), «Дабан» (1994) ж. б. 20дан ашык китеби чыккан. «Таң шоо­куму», «Ичиң күйсө» ж. б. сатиралык ыр жый­нактарында кызмат абалынан кыянаттык м-н пайдаланган мансапкорлорду, жегичтерди, эки жүздүү кошоматчыларды сынга алган, тамсил­деринде образ түзүү үчүн каймана ыкманы че­бер пайдаланган. «Эсенгулдун ырлары» жый­нагындагы «Керкашка менен Суркашка» там­силинде шайлоо темасына кайрылган. И. бал­дар ад-тында да жемиштүү эмгектенип, бир нече китеби жарык көргөн. И-дин поэзиясы тили­нин жатыктыгы, ыргактуулугу, ойдун терең­диги м-н айырмаланат. Ал А. Фет, В. Маяков­ский, Р. Гамзатов, К. Кулиев, Е. Винокуров ж. б.

акындардын чыгармаларын кыргызчага котор­гон. Анын айрым чыгармалары немис, поляк, орус, украин, казак, өзбек, түркмөн тилдерине которулган. Бүткүл дүйнөлүк интеллектуалдык менчиктин (Женева) алтын медалы м-н сый­ланган (2006). Нарын ш-ндагы мектепке ысмы берилген.