ИБРАИМОВ 5
ИБРАИМОВ Осмонакун (5. 1. 1954-ж. т., Ош обл., Кара-Кулжа р-ну, Кан-Коргон айылы) – адабиятчы, филология илимд. доктору (1991), проф. (1995), КР УИАнын корр. Мүчөсү (2003).
КМУну бүтү ргө н (1978). Кырг-н жазуучулар союзунун экинчи секретары (1988), КРдин Президентинин администрациясында бөлүм башчы (1992), КРдин Президентинин басма сөз катчысы (1992–96), КРдин вице-премьер-министри (1993– 96), КРдин Индия, Бангладеш, Непал ж-а Шри-Ланка мамлекеттериндеги атайын ж-а ыйгарым укуктуу элчиси (1996–99), КРдин мамл. катчысы болуп иштеген. 2007-жылдан КРСУнун ж-а Ататүрк-Ала-Тоо ун-тинин профессору. «Адабий классиканын азыркы өмүрү» аттуу биринчи китебине (1982) дүйнөлүк ж-а орус классикасынын айрым чыгармаларын кыргыз тилине которуу маселелерин козгогон изилдөөлөрү ж-а Ч. Айтматовдун чыг-лыгындагы адам концепциясына арналган макалалары топтолгон. «Көз караш» деген ат м-н 1984-ж. жарык көргөн экинчи жыйнагында 1970–80-жылдардагы кыргыз поэзиясындагы лириканын
идеялык-эстетикалык абалын сынга алган курч талаш макалалар орун алган. Анын ад-т таануудагы негиздүү изденүүсү кайра куруу мезгилинде ж-а эгемендүүлүк алгандан кийин бөтөнчө орчундуу мааниге ээ болгон тарыхтын «актай барактарына» багытталган. 1920–50-жылдардагы кыргыз профессионал поэзиясынын жаралышына ж-а өнүгүүсүнө «История кыргызской советской лирики» деген монографиялык изилдөөсү арналган (1991-, 2000-ж. басылып чыккан). Ушул эле эмгегин кийинки басылышында жаңыча, эркин көз карашта кайрадан иштеп чыгып тоталитардык коомдун саясийидеол. шартында «көз жарган» жазма поэзияны, ага ил. көз караштын пайда болуусун, кыргыз поэзиясынын түптөлүү ж-а өсүп-өнүгүү жолун ил. жактан кеңири ж-а терең талдоого алган. И. III даражадагы Манас ордени м-н сыйланган (2003).
Эмг.: Современная жизнь литературной классики. Ф., 1982; Көз караш. Ф., 1984; История кыргызской советской литературы (авторлош). Ф., 1984; История и поэзия. Б., 2000.
Ж. Медералиева.