ИДИНОВ Кубанычбек
ИДИНОВ Кубанычбек (16.7.1949-жылы туулган‚ Нарын облусу‚ Жумгал району‚ Жаңы-Арык айылы) – экономика илимдеринин доктору (1993)‚ агрардык теория, эл аралык экономика‚ политология ж-а коммерциялык укук боюнча адис. КМУну (1970)‚ Россия башкаруу академиясын (1988)‚ КМУУнун юриспруденция боюнча магистратурасын (2000) бүткөн. Орто Азия аскер округунун взвод командири (1970–72). Кыргыз CCР ИА ЭИде илимий кызматкер (1972–80)‚ Кыргызстан КП БКнын инструктору‚ бөлүм башчынын орун басары (1980–86)‚ Ысык-Көл райондук аткаруу комитетинин ж-а райондук кеңешинин төрагасы (1988–91)‚ Нарын облустук кеңешинин төрагасынын орун басары (1991–92)‚ КРдин эсеп палатасынын төрагасы (1993–96)‚ КРдин Жогорку Кеңешинин депутаты (1990– 2000)‚ 2000-жылдан Кыргыз-Түрк «Манас» университетинин профессору. 80ден ашуун илимий эмгеги‚ анын ичинде 8 монографиясы жарык көргөн.
Эмг.: Кыргызстан в системе Международных экономических отношений. Б., 1997; Влияние внешной экономической помощи на экономику Кыргызстана (соавторство). Б.‚ 2001; Формирование и развитие агробизнеса в условиях трансформирующей экономики. Б.‚ 2002.