ИЖАРА АЛУУЧУ
ИЖАРА АЛУУЧУ – жеке ж-а юрид. жактар м-н ижара келишимин түзүү аркылуу мамл. же менчик мүлктү убактылуу ээлик кылууга ж-а пайдаланууга алуучу жак. Мамл. менчик укугундагы мүлк конкурс, жеке менчик укугундагы мүлк эки тараптуу келишим түзүү аркылуу жеке ж-а юрид. жактарга берилет. Ижара келишиминин шарттарын тараптар өздөрү аныкташат. И. а. убактылуу пайдаланууга берилген буюмду тескөөгө укугу жок. И. а. ижара акысын убагында төлөп турууга, мүлктү келишимге ылайык пайдаланууга, бузбай урунууга, өз эсебинен оңдоп-түзөөгө (эгерде мыйзамда же келишимде башкача шарт каралбаса), келишимдин мөөнөтү бүткөндө нормадагы эскиришин эске алуу м-н тиешелүү абалда өткөрүп берүүгө милдеттүү. Мамл., кооперациялык ж-а бөлөк коомдук ишканалар (уюмдар), алардын бөлүмдөрүнүн коллективдери, жарандар ж-а жарандардын топтору И. а. боло алат.