ИЗОМОРФИЗМ (химияда)

ИЗОМОРФИ́ЗМ (изо... ж-а гр. morphe^′ – фор­ма) – химиялык курамы боюнча бирдей заттардын ок­шош формада кристаллдануу касиети. Мында кристаллдарда ж-а минералдарда химиялык элемент­тер бири-бири м-н алмашат. Изоморфизм химиялык элемент­тердин атомдук касиеттеринин окшоштугуна, пайда болгон кошундулардын мүнөзүнө ж-а түзү­лүшүнө, термодинамикалык шартына байланыштуу. Изоморфизм жа­ратылышта кеңири тараган. Бул минералдар­дын химиялык курамынын татаалдыгы ж-а бир эле кошундудагы көп элементтин парагенезиси м-н түшүндүрүлөт.