ИЛЬИНА
ИЛЬИНА́ Лидия Александровна [14 (27). 2. 1915, азыркы Рязань обл., Михайлов ш. – 1994, Бишкек] – график, Кыргыз ССР эл сүрөтчүсү (1963). Москва көркөм сүрөт ин-тун бүткөн (1939). Кырг-нда 1939-жылдан иштеген.
И. – китеп ж-а станоктук графика б-ча чет өлкөлөргө чейин маалым эмгектердин автору. Ал чыг-лыгында түрдүү техниканы, айрыкча линогравюраны ж-а ксилографияны пайдаланган. 1950–60-жылдары Т. Сыдыкбековдун «Биздин замандын кишилери», Б. Кербабаевдин «Чечүүчү кадам»,
М. Ауэзовдун «Абай» романдарын, Токтогулдун чыгармаларын, У. Шекспирдин сонеттерин, Ч. Айтматовдун «Тоолор жана талаалар повесттери» аттуу китептерин көркөмдөгөн. 1950-жылдардын ортосунда тарткан «Кыргыз аялдары жөнүндө сөз» линогравюра сериясы, «Бир тууган край» аттуу ксилография сериясы И-ны көрүнүктүү графиктердин катарына кошкон. Сүйүктүү темасы – аял, анын коомдогу ролу ж-а алдыңкы идеал үчүн күрөштөгү орду. Чыг-лыгында жарандык ж-а ыймандуулук маселесин көтөрүү максатын көздөгөн. Буга анын «Дүйнө аялдары», «Катаал жылдар», «Бүгүнкү Кыргызстан», «Кыргызстан жаштары», «Энелик сезим» ж. б. сүрөттөрү ачык далил. Мыкты графика чыгармалары Америка, Япония, Австралия, Англия, Франция, Канада, Югославия, Польша, ГДР, Мексика, Чехословакия, Финляндия ж-а Африка өлкөлөрүндө көргөзмөгө коюлган. И-нын чыгармалары Кыргыз мамл. көркөм сүрөт музейинде, Мамл. орус музейинде, Третьяков галереясында, Чыгыш элдеринин сүрөт музейинде, А. С. Пушкин атн. Мамл. сүрөт музейинде, М. Горький атн. Дүйнөлүк ад-т ин-тунда, Буда-
пешттеги Улуттук галереяда, И-нын Бишкектеги үй-музейинде коюлган. 1971-ж. И-га СССР мамл. сыйл. ыйгарылган. Кыргыз ССР Жогорку Советинин (6–7-шайл.) депутаты. Эмгек Кызыл Туу ордени ж-а медалдар м-н сыйланган.
Ад.: Ганкин Э. Лидия Ильина. М., 1961; Попова О. Изобразительное искусство Киргизской ССР. Л., 1972; Прыткова Л. Художники киргизской книги. Ф., 1972; её же. Лидия Ильина. Л., 1973.