ИМАНБАЕВ

ИМАНБАЕВ Сулайман (18. 2. 1932-ж. т., Ысык- Көл обл., Түп р-ну, Талды-Суу айылы) – коом­дук ишмер. КРдин эмг. сиң. врачы, 1-класста­гы мамл. кеңешчи, медицина илимд. кандида­ты (1970). 1955-ж. КММИни бүткөн.

1960–75-ж. Фрунзе шаараткомунун төрагасы­нын орун басары, саламат­тык сактоо бөлүмүнүн баш­чысы, 1975–82-ж. Кыргыз ССР Саламаттык сактоо мини­стринин орун басары, 1982– 96-ж. Кыргыз онкология ж-а радиология ИИИнин директору, Кыргыз кардио­логия ИИИнин директору­нун орун басары, Бишкек ш-нын Саламаттык сактоо башкы башкармалыгынын башчысы, КРдин шайлоо ж-а референдум өткөрүү б-ча борб. комиссиясынын төрагасы (1996–2005) бо­луп иштеген. КРдин Жогорку Кеңешинин де­путаты (1990–95). КММАнын (1999), УОБдун (2002) ардактуу проф. 1-даражадагы Манас, «Ар­дак Белгиси» ордендери, «Даңк», башка 9 ме­даль м-н сыйланган.