ИМАРАТ КОЗУ КАРЫНДАР
ИМАРАТ КОЗУ КАРЫНДАР – афиллофорлор тукумундагы базидиялуу козу карындар. Орг. заттар м-н азыктанат. И. к. к. жыгачты мицелий ж-а базидиоспоралары м-н жабыркатат. Базидиоспоралар аба аркылуу тез ж-а жеңил тарайт да, бир нече жыл өсүү жөндөмдүүлүгүн жоготпойт. И. к. к-дын спораларынын өнүгүүсү, мицелийинин өсүүсү ыңгайлуу темп-рада ж-а нымдуулукта гана өтөт. Түн. жарым шарда 8 уруунун 50 түрү белгилүү. Кадимки үй козу карыны кеңири тараган. Ийне жалбырактуу токойдо өскөн дарактардын сөңгөгүн, дүмүрүн, курулуш жыгач материалдарын, устун жыгачтарды, тактайларды тез чиритип жиберет. Өтө жугуштуу, ал тараган жыгач, тактай жарым же бир жылда бүт чирийт. Аларды өрттөп жок кылуу зарыл. Инфекциянын пайда болушу ж-а анын андан ары өнүгүүсү, курулуш эрежелери бузулганда болот. Көбүнчө курулушка жакшы кургатылбаган, антисептик м-н иштетилбеген, кабыгынан тазаланбаган жыгач материалдарын колдонгондо И. к. к. өсөт. Т. Дөөлөткелдиева.