ИНВЕСТИЦИЯЛЫК БАНКТАР
ИНВЕСТИЦИЯЛЫК БАНКТАР – акча каражаттарын тартуу‚ узак мөөнөткө насыя берүү ж-а экономиканын ар түрдүү тармактарын финансылоо максатында баалуу кагаздар м-н иш жүргүзүүгө адистешкен атайын насыя-финансы инту. Банктардын тарыхый депозиттик-ссудалыкэсеп ж-а эмиссиялык-уюштуруу иштери‚ б. а. коммерциялык ж-а инвестициялык банктардын
иштеринин айкалышы алардын универсалдашуусунун маанилүү түрү болгон. Айрым өлкөлөрдө (АКШ‚ Италия‚ Франция) кризистен кийин 1929–33-ж. инвестициялык банктардан коммерциялык банктардын бөлүнүшү мыйзамдаштырылган. Коммерциялык банктардын өз акцияларын ж-а кредиттерин сатышы И. б. ресурстарынын булактары болуп саналат. И. б. коммерциялык банктардан айырмаланып‚ депозиттерди кабыл албайт, эмиссиялык-уюштуруу ишмердигин жүргүзөт‚ б. а. баалуу кагаздарды чыгарат ж-а жайгаштырат. И. б. карызкор м-н инвесторлордун ортосунда төмөнкү негизги милдеттерди аткарат: 1) баалуу кагаздардын эмиссиясын уюштуруу‚ карыздын шарттарын карыз милдеттенмелери (акциялар‚ облигациялар ж. б.) түрүндө макулдашуу; 2) баалуу кагаздарды чыгаруу ж-а жайгаштыруу‚ а. и. өз эсебинен; 3) эмиссия гаранты (И. б. чыгарылган баалуу кагаздардын сатылбаган бөлүгүн сатып алууга милдеттенет); 4) инвесторлорго орто ж-а узак мөөнөттүү насыя – баалуу кагаздарды сатып алуучуларга берүү; 5) консультациялык кызмат көрсөтүү ж. б. Чет мамлекеттерде И. б-дын милдетин борб. ж-а адистештирилген банктар аткарат. Эл аралык И. б. өзгөчө орунду ээлейт‚ а. и. Эл аралык реконструкция ж-а
өнүктүрүү банкы‚ Америка аралык өнүгүү банкы‚ Азия өнүктүрүү банкы‚ Африка өнүгүү банкы бар. ЕЭС алкагында 1959-жылдан Европа инвестициялык банкы иштейт.