ИЧИЛҮҮЧҮ СУУНУ САНИТАРИЯЛЫК КОРГОО

– ичиле турган суу булактарынын булга­нуусун (хим. ж-а эпидемиол.) алдын алууга ба­гытталган мыйзамдуу санит.-тех. чаралар. Суу жер астындагы суу булактарынан (жабык), ал эми суу аз же жер астындагы суунун сапаты начар болгондо агын суулардан алынат. Сууну коргоо чаралары Кырг-ндын «Ичилүүчү суу жө­нүндөгү мыйзамынын» санит. эреже ж-а норма талаптарына ылайык жүргүзүлөт. Негизинен иш-чаралар өзгөчө режимде чектелген санит. коргоо аймагында жүрөт. Ал үч бөлүктөн ту­рат: 1) талап катуу коюлган аймак. Бул режим­деги аймакта суу топтолот ж-а суу түтүктөрү

чыгуучу имарат жайгашкан. Ал тегерете тосу­луп, айланасына бак-дарак өстүрүлүп кайтары­лат; 2) булганыч суулар кошулуп, ичиле турган суунун сапатына таасир тийгизбөө үчүн чектел­ген аймак. Анын чеги суунун булгануусуна ж-а табигый тазаланышына жараша болот; 3) бай­коо жүргүзүү аймагы, мында суунун башаты­на чейин эпидемиялык абал көзөмөлдөнөт. Суу м-н камсыз кылууда борборлоштурулган зыян­сыздандыруу, тазалоо, туздардан арылтуу иш­тери жүргүзүлөт. Сууну санит. коргоону санит­эпидемиол. станция жүзөгө ашырат.