ИЧКЕ

ИЧКЕ – Ат-Башы р-нундагы суу, Кара-Коюн суусунун оң куймасы. Уз. 23 км, алабынын аян­ты 148 км². Ат-Башы кырка тоосунун түн.-ба­тыш капталынан агып түшөт. Алабынын де­ңиз деңг. орт. бийикт. 3500 м, эң бийик жери 4432 м. Куралуу облусуна кирет. Суу өрөөндүн төрүндөгү мөңгүнүн жанындагы чакан көлдөн башталып, кууш колот аркылуу түндүккө агып, бир нече куймалары кошулуп, Жаакташ өтө­гүнөн ары Кара-Коюн өрөөнүнө чыгат. Төрүн­дөгү Жеңи-Ичке ашуусу аркылуу Чатыр-Көл, Ак-Сай өрөөндөрүнө мал ашырылат. Жылдык орт. чыгымы 1,60 м³/сек, эң көбү май, июнда, эң азы февралда байкалат. Алабында жалпы аянты 0,7 км² келген 4 чакан мөңгү бар. Сугат­ка пайдаланылат. Айрым ад-т, карталарда И. суусу Жеңичке, Жеңишке деп туура эмес жа­зылып жүрөт.