ИШКАНА
ИШКАНА – эмгек коллективи тарабынан мүлктү пайдалануунун негизинде продукция чыга-
рууга ж-а сатууга‚ жумуш аткарууга‚ кызмат көрсөтүүгө юрид. укугу бар өз алдынча чарба жүргүзүүчү субъект. И. мыйзамдар м-н тыюу салынбаган ж-а анын уставында каралган максаттарга жооп берген бардык эле чарбалык ишмердикти жүргүзүүгө укуктуу. И. юрид. жак укугуна ээ‚ анын өз алдынча балансы‚ банктарда эсептешүү ж-а башка эсептери‚ өз аталышы түшүрүлгөн мөөрү болот. И-нын жеке (үй-бүлөлүк)‚ жамааттык‚ муниципалдык‚ мамл. түрү бар. О. эле чарбалык коом ж-а өнөктөштүк‚
өндүрүштүк кооператив‚ ижаралык ж. б. түрлөрү
да кезигет. И. стратегиялык башкаруу көз карашынан алып караганда өзүнүн тышкы чөйрөсү м-н көптөгөн өзгөчө байланыштагы комплекстүү‚ ачык социалдык-экон. система болуп саналат. Ал эми стратегиялык башкаруу объекти катары структуралык бирдиктердин (чарбалык бөлүктөрдүн): концерн‚ фирма‚ завод ж. б.
өндүрүштүн бир бүтүндүгүн түшүндүрөт.