ЙЕЛЛОУСТОН УЛУТТУК ПАРКЫ

ЙЕ́ЛЛОУСТОН УЛУТТУК ПАРКЫ – Америка Кошмо Штаттарынын түндүк-батышында (Вайоминг, Монтана жана Ай­дахо штаттарында) 1872-жылы дүйнөдө биринчи уюшулган корук. Аскалуу тоолордогу жанар­ тоо платолорунда жайгашкан. 2200–2500 м би­йикте. Аянты 9 миң км². Баткактуу жанар тоо­лор, гейзерлер (3000 миңден ашык) көп. Гейзер­лердин бийиктиги 90 мге (Экселиор) жетет. Йел­лоустон дарыясында тереңдиги 360 м, узундугу 20 кмге жет­кен чоң капчыгай (каньон), бийиктиги 34 жана 94 м болгон шаркыратма бар. Ийне жалбырак­туу токой (мырза карагай, көк карагай, кара­гай жана башкалар) каптап жатат. Айбанаттары: бизон, кара аюу (барибал), бугу, күрөң аюу (гризли), багыш, ача мүйүз, аркар, койот жана башкалар, куштар­дан – ак баш, суу бүркүт, ак бир казан жана башкалар (200 түр) бар. Туризмдин борбору. Туристтер июнь–август айларында көп келет.