ЙЕМЕНДИКТЕР

ЙЕМЕНДИКТЕР , Й е м е н а р а б д а р ы – эл, Йемендин негизги калкы. Жалпы саны 20 млндой киши (2007). Йемен диалектисиндеги араб тилинде сүйлөшөт. Ислам динин (шиит­тер) тутушат. Й. негизинен дыйканчылык, мал чарбачылык, балыкчылык, кол өнөрчүлүк м-н кесиптенишип, соода-сатык жүргүзүшөт. Й. жүндөн жасалган чатырларда, жер төлөлөрдө, үстү саман же пальма жалбырактары м-н жа­былган алачыктарда, таштан салынган үй-чеп­терде, ал эми шаарларда дубалы таш же кыш­тан тургузулуп, оймо-чиймеленген, көп кабат­туу үйлөрдө жашашкан. Улуттук кийимдери –

Салттык кийимчен йе­мендик эркектер.

эркектери ак мата­дан кабатталган бел­демчи, көйнөк ки­йип, белине булгаа­рыдан кур (хузам) байлап, канжар та­гынып, башына жоо­лук (куфия) орону­шат, айрым жерлер­де жеңдүү, узун ак көйнөк кийип, жа­шыл же көк түстүү жүндөн токулган шарф жамынышат. Аялда­ры – узун көйнөк, кыска кофта кийип, бетин кара түстүү жамынгычтар м-н жаап, башына көк жоолук оронушат. Тамак-ашы негизинен ун, күрүч, курма, жашылча, эт, балык азыкта­рынан даярдалып, суусундук катары кофе, чай

Йемендик аялдар.

ж-а таттуу арак колдонулат. Элдин бардык кат­мары кат (чайноочу өсүмдүк) чайнашат, к. Араб­дар. Ш. Керимова.