ЙОРУБАЛАР

ЙОРУБАЛАР – Түш. Нигериянын негизги кал­кы. О. эле Нигериянын батышы ж-а түш.-ба­тышында, Бенинде, Гананын түш.- чыгышын­да, Тогодо да жашашат. Жалпы саны 26, 2 млн киши (1998). Нигер-конго тилдер тобундагы йо­руба тилинде сүйлөшөт. Й. христиан (протес­тант, англикан, баптист) ж-а ислам (мусулман­суннит) динин тутушат. Й-дын түпкү теги ж-дө маалыматтар өтө аз. Й-дын этностук негизин азиялыктар же египеттиктер түзгөн деген божо­молдор бар. Й. дыйканчылык, балыкчылык ж-а мал чарбачылык м-н кесиптенишип, дубалы

Жашыруун кеңеш­тин мүчөсүнүн салт­туу кийими.

жыгачтан тургузулуп, ылай м-н шыбалган, ча­тыры саман, пальма жалбырагы же одуракай темирден эки же төрт кырлуу жабылган үйлөрдө жашашкан. Й. бөздөн тигилип, саймаланган кийимдерди кеңири баалашат. Тамак-ашы не­гизинен дан, эт, балык ж-а жашылча азыкта­рынан даярдалып, ямс, банан, маниок, батат, коон, нан дарагынын мөмөсү, сорго көбүрөөк колдонулат.