КАБАРДАЛАР

КАБАРДАЛАР (өздөрүн адыге деп аташат) – Кабарда-Балкар Респ-нын жерг. калкы. Россия­нын Краснодар, Ставрополь, Түн. Осетия аймак­тарында, о. эле Түн. Америка, Батыш Европа ж-а Түш.-Чыгыш Азияда да жашашат. Жалпы саны 580 миң, а. и. Кабарда-Балкарияда 498,7 миң киши (2008). Кабарда-черкес тилинде сүйлөшөт. Динге ишенгендери негизинен мусул­ман-сунниттер, моздоктук К. православие ди­нин тутушат. Этностук негизин адыгелер ж-а черкестер түзөт. К-дын ата-бабалары – Түн. ж-а Түн.-Батыш Кавказдын байыркы уруулары зих­тер (1–6-к.), черкестер (13–19-к.). К. 13–15-к-да өзүнчө эл болуп калыптанган. 1557-ж. К. өз ыктыяры м-н орус мамлекетинин курамына

кирген. Негизги кесиби – дыйканчылык ж-а мал чарбачылык. Эркектери нооту черкеска, бурка (кементай), тон, башлык, башына папах кийип, белине күмүш кур курчанып, канжар тагыныш­кан, аялдары шаровар, узун көйнөк кийип, күмүш же алтын кур курчанган. Баш кийимде­ри алтын м-н жасалгаланган. Тамак-ашы – не­гизинен эт, сүт, дан азыктары. Суусундук ката­ры максым кеңири колдонулат.