КАБЫЛДОО

КАБЫЛДОО – объективдүү дүйнөнүн сезүү орган­дарына тийгизген таасиринин натыйжасында пайда болгон нерсенин бирдиктүү образы. Маа­лыматтарды кабыл алуунун жана кайра түзүүнүн татаал процесси, организмге объективдүү реал­дуулукту чагылдырууну жана айлана-чөйрөдө багыт алууну камсыз кылат. Нерсени сезим ар­кылуу чагылдыруунун формасы катары кабылдоо өз чөйрөсүндө объектини айкындоону, объектиде­ги айрым белгилерди айырмалоону, андан ара­кет максатына адекваттуу маалыматтык маз­мунду бөлүп алууну, сезимдик сыпаттарды ка­лыптандырууну өз ичине камтыйт.