КАДАМ ӨЛЧӨГҮЧ

КАДАМ ӨЛЧӨГҮЧ – канча кадам басканды өлчөгүч аспап. Чөнтөк саатка окшоп, кадамдын санын көрсөтүүчү үч жебеси жана аларды кайра­дан алгачкы абалына алып келүүчү топчусу бо­лот. Басып өтүүчү аралыкты (он мүнөт же жүз миң кадам) болжолдуу аныктоо үчүн көз менен өлчөөчү съёмкада же спортсмендердин машы­гуусунда колдонулат. Баштыкка салып, адам бир жерине илип алат. Басканда кыймылдап турсун үчүн огуна жүк кыстарып коёт. Бут шил­тегенде пружинанын таасиринен жүк ары-бери чайпалып, аспаптагы дөңгөлөкчөнү, аны менен жебени айландырат. Жебенин биринчиси – бир­дик, экинчиси – жүздүк, үчүнчүсү – миңдик ка­дамдын санын көрсөтөт.