КАДР

КАДР – 1) к и н о к а д р – сүрөткө тартуу объектисинин кыймылынын бир фазасын же статикалык абалын белгилөөчү кино тасмадагы сүрөт. Кадрдагы режиссёрдук жана оператордук таба билгичтик тартылуучу көрүнүштүн идеясын жана мазмунун ачып берет. Кино камераны жыл­дырып жүрүп, кадр түзүү учурунда тартыла тур­ган көрүнүштүн кадрдагы кыймылына байланыш­туу болгон динамикалык композициянын өзгө­чөлүктөрү эске алынат. Кадрдын форматы, жайла­нышы тартуучу аппараттын айнегинин өлчөмүнө жана орнотулушуна жараша аныкталат; 2) ку­раштырма кадр – окуянын кандайдыр бир мо­ментин камтыган тасманын курамдык бөлүгү; 3) сценарийлик кадр (тасма коюлуучу же режиссёрдук сценарийдеги) – тартыла турган кадрдын мазмунун жана бүткүл турпатын, анда болуучу аракеттерди, диалогдорду, ошондой эле үн менен коштоо­нун көркөмдүк чечилишин баяндап жазуу.