КАЖЫ-САЙ КЕРБЕН САРАЙЫ
Навигацияга өтүү
Издөөгө өтүү
КАЖЫ-САЙ КЕРБЕН САРАЙЫ – IX–XII кылымдарга таандык археологиялык эстелик. Ысык-Көлдүн түштүк тарабындагы Кажы-Сай суусунун оң жээгинде жайгашкан. Жалпы түзүлүшү чарчы, аянты 60Ч60 м. Сакталып калган дубалынын бийикт. 3 м, бурчтарында жана борборунда мунаралары болгон. Кажы-Сай кербен сарайынын чыгыш тарабынан 40–60 м өлчөмүндөгү тик бурчтуу курулуш улай салынган. Ал жапыз дубал менен курчалып, мал камоо үчүн пайдаланылган. Дубалы чийки кыштан курулган. Кербен сарайдын 100дөн ашуун бөлмөсү болуп, казуу убагында чопо идиштер, жаргылчактар, бүлөөлөр, тамак-аш калдыктары табылган. Эстеликти 1977–1979-жылдары археолог Д. Ф. Винник изилдеген.