КАЗБЕК ЧОКУСУ

КАЗБЕК ЧОКУСУ (грузинче Мкинвари – муз­дуу тоо; осетинче Урсхох – ак тоо) – Кавказдын эң кооз ж-а бийик чокуларынын бири. Чоң Кав­каздын борб. бөлүгүндөгү Каптал кырка тоосу­нун бийик чокусу. Бийикт. 5033 мге жеткен жанартоо конусу. Грузия м-н Түн. Осетиянын чек арасында. Дарыялар капчыгайынан Аскер- Грузин жолуна жакын тик көтөрүлөт. Каптал­дарын субальп шалбаасы, андан өйдө кар-мөңгү ээлейт. Өрөөн мөңгүлөрү (Девдораки, Мна, Суа­тиси ж. б.) басымдуу, мөңгүлөрдүн жалпы аян­ты 135 км². Гергети мөңгүсүндө бийик тоо ме­теостанциясы жайгашкан. Альпинизм ж-а тоо туризминин борбору. Чоку тоо этегиндеги Ка­зибеги (Казибек князынын) айылынын атынан аталган.