КАЙНОЗОЙ ЗАМАНЫ (ТОБУ)
КАЙНОЗО́Й ЗАМАНЫ (ТОБУ) , к а й н о з о й (гр. kainjs – жаңы ж-а zje – тиричилик, б. а. азыркы кездеги тиричилик) – Жер кыртышынын өсүп-өнүгүү тарыхындагы эң соңку, азыркы кездеги убактысы. Терминди илимге биринчи жолу англ. геолог Ж. Филлипс 1861-ж. киргизген. 1960-ж. чейин үчүнчүлүк ж-а төртүнчүлүк мезгилдерине (системаларына) бөлүнгөн. Кийин палеоген, неоген, антропоген (төртүнчүлүк) мезгилдерине (системаларына) бөлүнгөн (к. таблицаны).
Кайнозойдун стратиграфиялык шкаласы Стратиграфиялык бөлүнүштөргө геохронол. – эрa- темага – эра, системаларга – мезгилдер, бөлүмдөргө – доорлор туура келет.Замандын узактыгы 60–70 млн жылга барабар. Кайнозойдо материктер м-н океандар азыркы абалга келип, жер бетинин бүгүнкү күндөгү рельефи түзүлгөн. О. эле к. Палеоген мезгили (системасы), Неоген мезгили (системасы), Антропоген мезгили (системасы) макалаларын.
Ад.: Хаин В. Е., Балуховский А. Н. Историческая геотектоника: Мезозой и кайнозой. М., 1993; Короновский Н. В., Хаин В. Е., Ясaмaнов Н. А. Историческая гология. М., 2008.