КАЙРАК ЖЕР

КАЙРАК ЖЕР – дыйканчылык өнүккөн аймак­тагы а. ч. өсүмдүктөрү сугатсыз өстүрүлгөн жер. К. ж. көбүнчө тоо этегиндеги түздүктөрдү, адыр­ларды, бөксө тоолорду, о. эле оазистердин сугат­ка ыңгайсыз чет-жакаларын ээлейт, анда неги­зинен кургактыкка чыдамдуу дан, тоют ж-а бакча өсүмдүктөрү өстүрүлөт. Бул өсүмдүктөрдүн түшүмдүүлүгү жаан-чачынга, рельефтин өзгөчөлү­гүнө ж-а топурак кыртышына карата аныкта­лат. К. ж. Кырг-нда кеңири аянттарды ээлейт.