К тамгасы

К тамгасы , к – латын, Кирилл графикасын колдонгон элдердин, а. и. кыргыз алфавитиндеги он экин­чи тамга. Адегенде байыркы финикия жазма­сында жаралып, кийин байыркы грек графика­сы аркылуу латын алфавитине, андан кирил­лицага өткөн. Ичке үндүүлөр м-н айкалышкан­да ж-а орус тилинен кабыл алынган сөздөрдө (мис., ток, актив) түпчүл к, жоон үндүүлөр м-н (а, о, у, ы, аа, оо, уу) айкалышканда артчыл (увулярдуу) каткалаң үнсүз к (кь) ж-а орус тили аркылуу кабыл алынган сөздөрдө өзүнөн кийин келген жумшак үнсүз ылайыкташкан таңдай­чыл к (мис., кюри, кяхта) тыбыштарын туюн­тат. Бул тыбыштар акустика-артикуляциялык жактан бири-биринен айырмаланат.