«БОЛЬШАЯ СОВЕТСКАЯ ЭНЦИКЛОПЕДИЯ»

«БОЛЬША́Я СОВЕ́ТСКАЯ ЭНЦИКЛОПЕ́ДИЯ» (БСЭ) {Советтик ири энциклопедия} (СИЭ)– дүйнөлүк универсалдуу ири энциклопедиялардын бири. Москвадагы «Советская энциклопедия» басмасынан чыгарылган. СИЭнин 65 томдуу 1-басылышы 1926–1947-жылдары жарык көргөн. Башкы редактору О. Шмидт (1941-жылга чейин). 2-басылышы 1949–1958-жылдар, 51 том (51-тому кошумча), башкы редактору С. Вавилов (1951-жылга чейин), Б. Введенский (1951-жыл). 1957-жылдан БСЭнин «Ежегодниктери» чыга баштаган. 30 томдук 3-басылышы 1969–1978-жылдары жарык көргөн, башкы редактору А. М. Прохоров (1969–1978-жылдар). Энциклопедиянын чыгарылышына илимий мекемелер, илим-изилдөө институттары, Жогорку окуу жайлары, чыгармачыл уюмдар, дүйнөнүн 50гө жакын өлкөлөрүнүн окумуштуулары, коомдук жана саясий ишмерлери катышкан. БСЭнин 3-басылышы Америка Кошмо Штаттарында, Грецияда, Италияда которулуп чыккан. 2005-жылдан ошол эле басмадан «Большая Российская Энциклопедия» (БРЭ) көп томдугу басылып чыгууда., к. Большая Российская энциклопедия.