БАЙДУЛУ ТЕМИР КЕНИ

БАЙДУЛУ ТЕМИР КЕНИ Нарын районунда, Нарын шаарынан 65 км түндүк тарапта, Байдулу тоосу­нун түштүк капталында, деңиз деңгээлинен 3600-3900 м бийиктикте. 1931-жылы табылып, 1950-жылы геологиялык чалгындоо жумуштары жүргүзүлгөн. Кен аймагында палеозойдун чөкмөтектери ж-а татаал түзүлүштөгү габбро, перидотит дайкалары жатат. Кенташ (руда) тулкусу тектоникалык жаракалар м-н тилмеленген дайкалар ж-а акиташ теги­нин кошулган жериндеги карбонат-серпентин­дүү брекчияда топтолгон. Кен тилкесинин узундугу 12 км ге чейин. Негизги минералдары: магнетит ж-а гематит, аз санда пирит, халькопирит, борнит кездешет. Темирдин кондициялык өлчөмү 30,48-53,48%. Запасы 210,7 млн т.